Ju falënderojmë për vizitën!
Aksesimi dhe përdorimi i faqes së internetit i nënshtrohen kushteve të mëposhtme. Mos e përdorni këtë faqe interneti nëse nuk bini dakord me këto kushte. Kjo faqe interneti u krijua dhe menaxhohet e përditësohet nga Bayer d.o.o. (në vijim referuar si BAYER).
Faqja e internetit është një portal i cili mund të vizitohet ose përdoret nga kushdo (në vijim: Përdoruesi) dhe ofron informacione (p.sh. buletine informative) mbi parandalimin dhe trajtimin e sëmundjeve kardiovaskulare dhe mbi markat dhe kategoritë e produkteve të “Aspirin Protect”.
Qëllimi i kësaj faqeje është të sigurojë informacione për komunitetin e përdoruesve. Informacioni i publikuar synon të informojë dhe të rrisë ndërgjegjësimin.
Përdorimi i informacionit të dhënë në këtë faqe interneti
Të gjitha të dhënat, dokumentet, informacionet dhe ilustrimet e publikuara në këtë faqe interneti janë nën pronësinë ekskluzive të Bayer. Lejet për përdorimin e tyre jepen vetëm nëse njoftimi përkatës i të drejtave të autorit shfaqet në të gjitha kopjet, nëse përmbajtja e faqes së internetit përdoret vetëm për qëllime personale dhe nuk përdoret në mënyrë të drejtpërdrejtë ose të tërthortë për veprimtari tregtare ose përfitime personale, nëse të dhënat nuk pësojnë asnjë lloj ndryshimi dhe të gjitha ilustrimet nga faqja e internetit përdoren vetëm të lidhura me tekstin shoqërues.
Kufizimi i përgjegjësisë
Ne bëjmë çdo përpjekje të arsyeshme për të siguruar saktësinë dhe plotësinë e informacionit në faqen e internetit dhe ushtrojmë kujdesin e duhur për mirëmbajtjen e faqes; megjithatë, ne nuk mbajmë asnjë përgjegjësi për dëmet e shkaktuara nga pasaktësitë dhe/ose mangësitë dhe/ose mospërditësimet e të dhënave dhe informacioneve të paraqitura në këtë faqe interneti. Përdoruesi mund të mbështetet vetëm në informacionin e disponueshëm në faqen e internetit (p.sh. materialet, të dhënat, informacionet e ngarkuara), duke mbajtur vetë përgjegjësi! Përdoruesi pranon në mënyrë të shprehur se ai ka gjithashtu përgjegjësi për monitorimin e çdo ndryshimi në informacionin që ofrohet në faqen e internetit. Ne ju rekomandojmë t’u referoheni këshillave tona më të fundit të dhëna në faqen e internetit – veçanërisht fletëve të të dhënave të sigurisë dhe broshurave informuese për produktet e listuara në faqen e internetit – si dhe të verifikoni përshtatshmërinë e produkteve tona për trajtimet dhe qëllimet e synuara. Nëse keni nevojë për këshillim ose udhëzime në lidhje me produktet ose shërbimet tona, na kontaktoni duke përdorur një prej të dhënave të kontaktit në vijim.
Përdoruesit e kësaj faqeje interneti pranojnë të marrin përsipër çdo pasojë që rrjedh nga aksesi në faqen e internetit dhe në përmbajtjen e saj. As Bayer dhe as palët e treta të përfshira në hartimin, krijimin ose transmetimin e kësaj faqeje interneti nuk mund të mbajnë përgjegjësi për dëmtimet që rezultojnë nga shfaqja ose hapja e faqes në internet apo nga pamundësia për ta shfaqur ose hapur atë, nga hyrja në faqen e internetit apo nga pamundësia për të hyrë në të, nga përdorimi i faqes në internet apo nga pamundësia për ta përdorur atë, ose nga mbështetja në informacionin e dhënë në faqen e internetit. Kini parasysh se informacioni i publikuar nuk zëvendëson këshillat, trajtimet ose rekomandimet e profesionistëve të shëndetit. Në lidhje me barnat dhe produktet mjekësore, ju rekomandojmë që të këshilloheni me mjekun ose farmacistin tuaj përpara se t’i përdorni.
Lidhjet me faqet e internetit të palëve të treta
Gjatë përdorimit të kësaj faqeje interneti, mund të gjeni referenca ose lidhje te faqe të tjera interneti. Bayer nuk mban asnjë përgjegjësi për përmbajtjen, saktësinë ose funksionimin e faqeve të internetit të palëve të treta. Shfaqja e këtyre lidhjeve nuk do të thotë që Bayer pajtohet me përmbajtjen e tyre. Bayer nuk pranon asnjë përgjegjësi për disponueshmërinë ose përmbajtjen e këtyre faqeve të internetit ose për dëmtimet ose lëndimet që rezultojnë nga përdorimi i përmbajtjeve të tilla. Vendosja e lidhjeve në faqe të tjera interneti nuk nënkupton që Bayer e mbështet këtë faqe në çfarëdolloj forme. Lidhjet në faqet e tjera të internetit u ofrohen përdoruesve të faqes në internet thjesht për lehtësi. Përdoruesit marrin përsipër çdo pasojë që rrjedh nga aksesi në këto faqe interneti. Nëse Bayer vihet në dijeni se një lidhje e publikuar në këtë faqe përmban informacion të paligjshëm, do të ndërmarrë menjëherë veprime për ta hequr lidhjen, pasi paligjshmëria të jetë vërtetuar plotësisht.
Para se të largoheni nga kjo faqe interneti për të vizituar faqen e internetit të një pale të tretë, ju kërkohet të rishikoni me kujdes kushtet e përgjithshme të përdorimit dhe politikën e privatësisë së faqes së internetit të kësaj pale të tretë.
Përdorimi ndërkufitar
Kjo faqe interneti kontrollohet, përdoret dhe përditësohet nga BAYER në Shqipëri Ajo është synuar posaçërisht për përdorim në Shqipëri. BAYER nuk garanton që detajet e paraqitura në këtë faqe interneti janë të sakta në të gjithë botën dhe veçanërisht, që produktet dhe shërbimet do të ofrohen me të njëjtën pamje, me të njëjtat përmasa ose me të njëjtat kushte në të gjithë botën. Produktet në këtë faqe interneti mund kenë paketim, etiketim, paraqitje dhe stampim të ndryshëm në varësi të vendit. Nëse telefononi këtë faqe interneti ose shkarkoni përmbajtje, kini parasysh se është përgjegjësia juaj të siguroni që po veproni në përputhje me legjislacionin lokal në fuqi në atë vend..
Të dhënat tuaja personale të dërguara në këtë faqe interneti u nënshtrohen kushteve të përgjithshme të Deklaratës së Privatësisë, e cila është gjithashtu e disponueshme në këtë faqe..
Kjo faqe interneti ofrohet “siç është”, prandaj BAYER nuk jep asnjë garanci, qoftë të shprehur, të nënkuptuar, ligjore ose në formë tjetër, për besueshmërinë dhe përditësimin e informacionit në këtë faqe ose për ndërprerjen ose aksesin pa gabime në faqen e internetit, për mungesën e viruseve në faqen e internetit, për saktësinë ose plotësinë e përmbajtjes së shpërndarë në faqen e internetit. BAYER refuzon shprehimisht të bëjë deklarata të tilla. Përdoruesi pranon në mënyrë të shprehur se ai ka gjithashtu përgjegjësi për monitorimin e çdo ndryshimi në informacionin që ofrohet në faqen e internetit..
Ne rezervojmë të drejtën për të kufizuar, pezulluar ose ndërprerë aksesin në këtë faqe interneti apo në pjesë ose funksione të caktuara të saj në çdo kohë, pa njoftim paraprak..
Nëse keni nevojë për udhëzime të mëtejshme në lidhje me përmbajtjen e postuar në këtë faqe interneti, kontaktoni ofruesin e përmbajtjes duke përdorur një prej të dhënave të kontaktit të renditura te Autorësia.
Markat tregtare
Të gjithë emrat e markave ose markat tregtare në këtë faqe interneti janë pronë e Grupit Bayer ose e filialeve, bashkëpunëtorëve, licencuesve ose partnerëve të bashkimit të shoqërive të BAYER ose Grupit Bayer. Përdorimi i paautorizuar ose keqpërdorimi i këtyre markave tregtare ose materialeve të tjera është i ndaluar shprehimisht dhe përbën një shkelje të së drejtës së autorit, markës tregtare ose të drejtave të tjera të pronësisë industriale.
Kjo faqe interneti është në pronësi të BAYER. E drejta e autorit, marka tregtare dhe të drejtat e tjera të pronësisë intelektuale mbi imazhet dhe përmbajtjet me tekst, duke përfshirë markat tregtare, emrat e domenit dhe elemente të tjera të pronësisë intelektuale, në faqen e internetit ose në buletinet e dërguara, posedohen nga BAYER ose shfaqen në faqen e internetit me lejen e titullarit përkatës të të drejtave.
Përdoruesi mund ta shfletojë këtë faqe interneti dhe të përdorë përmbajtjen e saj tërësisht ose pjesërisht për qëllime private, pa përfitime financiare, me kusht që njoftimet për të drejtat e autorit dhe të drejtat e tjera të mbeten të paprekura. Gjithashtu, çdo përdorim tjetër i kësaj faqeje interneti nga përdoruesi u nënshtrohet ligjeve në fuqi.
Përmbajtja e kësaj faqeje interneti nuk mund të interpretohet nën asnjë rrethanë si dhënie e licencës ose e së drejtës dikujt për të përdorur ndonjë nga veprat e mbrojtura nga e drejta e autorit që shfaqen në këtë faqe interneti.
Shitja e produkteve BAYER
Produktet tona shiten në përputhje me versionin aktual të Kushteve tona të Përgjithshme të Shitjes dhe Dorëzimit.
Ligji në fuqi
Çdo pretendim ligjor ose padi në lidhje me këtë faqe interneti ose përdorimin e saj i nënshtrohen interpretimit të ligjeve të Republikës së Shqipërisë, përveç dispozitave të së drejtës ndërkombëtare private dhe Konventës së Hagës në lidhje me ligjin uniformë “Për shitjen ndërkombëtare të mallrave”, datë 1 korrik 1964 dhe në Konventën e Shitjeve të KB, datë 11 prill 1980.
Deklaratat parashikuese
Kjo faqe interneti mund të përmbajë deklarata parashikuese bazuar në supozimet aktuale dhe parashikimet e bëra nga drejtuesit e BAYER. Rreziqe të ndryshme të njohura dhe të panjohura, pasiguri dhe faktorë të tjerë mund të çojnë në ndryshime të materialit mes rezultateve konkrete të ardhshme, situatës financiare, zhvillimit ose performancës së kompanisë dhe vlerësimeve të dhëna këtu. Këta faktorë përfshijnë ato që diskutohen në raportet publike të BAYER, të cilat ofrohen në faqen e internetit të BAYER në www.bayer.com. Kompania nuk merr asnjë përgjegjësi që t’i përditësojë këto deklarata parashikuese ose t’i konfirmojë në bazë të ngjarjeve ose zhvillimeve në të ardhmen.
Ne rezervojmë të drejtën për të ndryshuar ose plotësuar Kushtet e Përgjithshme të Përdorimit.
Përditësimi i fundit: 16.6.2020
Tabletat Aspirin® Protect rekomandohen për uljen e rrezikut të vdekshmërisë tek pacientët që dyshohen për infarkt akut të miokardit ; për uljen e rrezikut të sëmundshmërisë dhe vdekshmërisë tek pacientët me infarkt miokardi të mëparshëm; për parandalimin dytësor të insultit cerebral; për uljen e rrezikut të pamjaftueshmërisë së përkohëshme të qarkullimit në tru (i quajtur ataku ishemik tranzitor) dhe insultit cerebral tek pacientët me atak ishemik tranzitor; për uljen e rrezikut të sëmundshmërisë dhe vdekshmërisë tek pacientët me angina pektoris të qëndrueshme e të paqëndrueshme (sëmundje kardiake të karakterizuara nga dhimbje spastike, kontraktuese në gjoks); për parandalimin e bllokimit të qarkullimit si pasojë e mpiksjes së gjakut (tromboembolizmit) pas disa lloj ndërhyrjesh kirurgjikale vaskulare; për uljen e rrezikut të infarktit parësor të miokardit tek personat me faktorë rreziku kardiovaskular (si diabet mellitus, hiperlipidemi , hipertension, obezitet , duhanpirje, moshë e madhe).
Bar pa recetë me përmbajtje acidi acetilsalicilik. Bayer d.o.o Zyre Perfaqësie Tiranë
Rruga Elbasanit, nr 60, Pall Gerard-A. 1, shk 1/1. Tiranë, Shqipëri
Përpara përdorimit lexoni më kujdes udhëzimet për përdorimin, dhe konsultohuni me farmacistin ose mjekun tuaj për rreziqet ose efektet e padëshiruara të mundshme.
