Aspirin® Protect për të mbrojtur zemrën
Aspirin® Protect për të mbrojtur zemrën
Acidi acetilsalicilik, substanca aktive e Aspirin®, mund të reduktojë rreziqet e sëmundjeve kardiovaskulare. Acidi salicilik i marrë në doza të ulëta dhe në mënyrë të rregullt është një mjet i rëndësishëm në parandalimin e sëmundjeve kardiovaskulare.
Studimet kanë treguar se pacientët që marrin rregullisht acid acetilsalicilik kanë me të vërtetë një incidencë më të ulët të infarktit të miokardit dhe iktusit (infarktit cerebral). (1,2) Kjo substancë aktive frenon agregimin e pllakëzave të gjakut dhe, për pasojë, redukton mundësitë e krijimit të koagulave të gjakut. (3,4) Aspirin® Protect është një tabletë e veçantë me dozë të ulët, me veshje enterike për përdorim të përditshëm.
Çfarë duhet të dini për të mbrojtur zemrën?
Sëmundjet kardiovaskulare janë shkaku numër 1 i vdekjeve në nivel global.(5)
Çfarë nuk shkon në enët e gjakut?
Pllakat e krijuara në muret e zemrës për shkak të aterosklerozës zmadhohen dhe ngurtësohen me kalimin e moshës. Këto pllaka të kalcifikuara formojnë shtresa të trasha në muret e zemrës. Ateroskleroza rezulton në formim të koagulave të gjakut, të cilat mund të reduktojnë qarkullimin e lirë të gjakut, si dhe në çarje të murit të enës së gjakut, që mund të shkaktojë bllokim të qarkullimit të gjakut. Në varësi të vendit të bllokimit, mund të ndodhë një infarkt i miokardit ose infarkt cerebral ( iktus ). Komplikacioni më i rrezikshëm i trombozës së gjymtyrëve të poshtme është embolia pulmonare.(6)
Në zhvillimin e aterosklerozës, stili jo i shëndetshëm i jetesës luan një rol të rëndësishëm, por duhet të merren në konsideratë edhe faktorët gjenetikë të trashëguar. Ka disa çrregullime themelore të metabolizimit të yndyrës, të cilat janë përgjithësisht gjendje të shoqëruara me nivele të larta të kolesterolit. Ju duhet të dini se ka kolesterol të "mirë" dhe kolesterol të "keq". Problemi i shumicës së pacientëve është niveli i lartë i kolesterolit të "keq" (ose LDL-së), por shumë pacientë të tjerë kanë një çrregullim të metabolizmit ku, krahas niveleve të larta të kolesterolit LDL, përbën problem edhe niveli i ulët i kolesterolit të "mirë" (ose HDL).(6,7) Në trup ka yndyra që vijnë nga ushqimi dhe qarkullojnë në gjak. Këto quhen trigliceride. Kaloritë e tepërta, alkooli dhe sheqeri rikthehen në trigliceride dhe depozitohen në qelizat dhjamore. Niveli i lartë i triglicerideve përshpejton procesin e aterosklerozës, e cila rrit rrezikun e iktusit dhe bllokimit të arteries koronare .(8)
Në raste të tilla, i gjithë sistemi i metabolizimit të yndyrës duhet të mbahet nën kontroll, gjë që arrihet me anë të medikamenteve.
Cili është faktori përcaktues i rrezikut?
Vlerësimi i rrezikut kardiovaskular , pra i gjasave që pacienti të zhvillojë sëmundje të rënda kardiovaskulare, kryhet nga mjeku që trajton pacientin. Por disa informacione mund t'i merrni edhe vetë përmes tabelës së vlerësimit të rrezikut me PIKË.(9)
Faktorët kryesorë janë seksi, mosha, presioni i gjakut dhe nivelet e kolesterolit të personit të ekzaminuar, si dhe fakti nëse personi në fjalë është duhanpirës. Personat me infarkt akut të miokardit, iktus ose procedura vaskulare dhe personat që kanë insuficiencë të arteries koronare ( angina pectoris të qëndrueshme ose të paqëndrueshme) konsiderohen pacientë me rrezik të lartë dhe kanë nevojë për mjekime parandaluese.(9,10)
Çfarë mund të bëjmë për veten?
Mënyra më efektive e parandalimit të sëmundjeve kardiovaskulare është një stil i shëndetshëm i jetesës.(10) Nëse jeni të vetëdijshëm për dietën tuaj, humbni disa kile nëse jeni mbipeshë, mos tejkaloni sasinë e alkoolit, lini duhanin, shmangni stresin dhe, e fundit por jo për nga rëndësia, bëni rregullisht ushtrime fizike. Ju mund të ndihmoni shumë shëndetin tuaj.
Çfarë mund të bëjë një tabletë në ditë për ne?
Për t'u mbrojtur nga gjendje të caktuara, mund t'ju nevojiten barna. Nëse merrni vendimin për të nisur terapinë me Aspirin® Protect, është shumë e rëndësishme që ju ta merrni çdo ditë tabletën sipas recetës.
Pacientët e trajtuar me terapinë e Aspirin® Protect duhet të dinë se ndërprerja e marrjes së barit është shumë e rrezikshme, pasi kjo rrit rrezikun për komplikacione të rënda, madje fatale, si për shembull infarkt .(11-13) Episodet trombotike janë më të shpeshta te pacientët që ndërpresin marrjen e barit. Kjo vlen veçanërisht për pacientët me sëmundje të arteries koronare , sidomos pacientët që kanë kryer ndërhyrje koronare perkutane ( kateterizim kardiak ) ose u është implantuar një stent që lëshon bar. Marrja e vazhdueshme e Aspirin® Protect është kaq e rëndësishme tani, saqë në raste të caktuara ju nuk mund ta ndërprisni as përpara ndërhyrjeve të lehta ose, për shembull, para heqjes së dhëmbit. Nëse terapia duhet të ndërpritet para një procedure, këshillohuni me mjekun dhe vlerësoni rreziqet potenciale individuale.
Për cilat raste rekomandohet terapia me Aspirin® Protect?(14)
- për uljen e rrezikut të vdekshmërisë tek pacientët që dyshohen për infarkt akut të miokardit ;
- për uljen e rrezikut të sëmundshmërisë dhe vdekshmërisë tek pacientët me infarkt miokardi të mëparshëm;
- për parandalimin dytësor të insultit cerebral;
- për uljen e rrezikut të pamjaftueshmërisë së përkohëshme të qarkullimit në tru (i quajtur ataku ishemik tranzitor) dhe insultit cerebral tek pacientët me atak ishemik tranzitor;
- për uljen e rrezikut të sëmundshmërisë dhe vdekshmërisë tek pacientët me angina pektoris të qëndrueshme e të paqëndrueshme (sëmundje kardiake të karakterizuara nga dhimbje spastike, kontraktuese në gjoks);
- për parandalimin e bllokimit të qarkullimit si pasojë e mpiksjes së gjakut (tromboembolizmit) pas disa lloj ndërhyrjesh kirurgjikale vaskulare;
- për uljen e rrezikut të infarktit parësor të miokardit tek personat me faktorë rreziku kardiovaskular (si diabet mellitus, hiperlipidemi , hipertension, obezitet , duhanpirje, moshë e madhe).
Si ta merrni Aspirin® Protect?
Ju duhet ta merrni barin çdo ditë sipas recetës, pa harruar asnjë ditë. Kjo është e domosdoshme, sepse bari mund të funksionojë si duhet nëse e merrni vazhdimisht, për një kohë të gjatë. Aspirin® Protect ka një veshje të veçantë gastro-rezistente dhe përthithet nga sistemi intestinal, jo nga stomaku, gjë që redukton rrezikun e shqetësimit gastrik. Rekomandohet ta merrni tabletën, para buke, me shumë lëngje.
Për cilat raste nuk rekomandohet terapia me Aspirin® Protect?
- jeni alergjik ndaj acidit acetilsalicilik ose salicilateve të tjera, apo ndaj ndonjë përbërësi tjetër të Aspirin protect 100 mg (të specifikuar në paragrafin 6 të fletudhëzuesit të barit);
- nëse keni pasur astma pas marrjes së barnave të ngjashme (si salicilate dhe barna anti-inflamatore jo steroide),
- nëse keni ulçer akute stomaku ose duodenale,
- nëse keni prirje të rritur patologjike për hemorragji
- nëse keni dëmtime të rënda renale ose hepatike,
- nëse keni insufiçiencë të rëndë kardiake,
- nëse po përdorni një bar që përmban metotreksat në doza 15mg/javë ose më shumë,
- gjatë tremujorit të fundit të shtatzënisë.
A e dinit?
Aspirin® u regjistrua pranë Zyrës Perandorake të Patentave në Berlin më 1899. Substanca e saj aktive, acidi acetilsalicilik, u sintetizua nga Felix Hoffmann, një studiues i Bayer. Në fillim u bë e njohur si bar për ethet dhe lehtësimin e dhimbjes, më pas, në fillim të viteve 50', një mjek amerikan vuri re se incidenca e infarktit të miokardit ishte shumë më e ulët te pacientët që merrnin Aspirin® për lehtësimin e dhimbjeve.(15)
Referenca
- (1) Antithrombotic Trialists' Collaboration. Collaborative meta-analysis of randomised trials of antiplatelet therapy for prevention of death, myocardial infarction, and stroke in high risk patients. BMJ 2002;324: 71-86. Return to content
- (2) Ittaman SV, VanWormer JJ, Rezkalla SH. The role of aspirin in the prevention of cardiovascular disease. Clin Med Res. 2014;12(3-4):147-154. doi:10.3121/cmr.2013.1197. Return to content
- (3) Undas A, Brummel-Ziedins KE, Mann KG. Antithrombotic properties of aspirin and resistance to aspirin: beyond strictly antiplatelet actions. Blood. 2007;109(6):2285-2292. doi:10.1182/blood-2006-01-010645. Return to content
- (4) Vane JR, Botting RM. The mechanism of action of aspirin. Thromb Res. 2003;110(5-6):255‐258. doi:10.1016/s0049-3848(03)00379-7. Return to content
- (5) World Health Organization. Cardiovascular diseases. Available at: https://www.who.int/en/news-room/fact-sheets/detail/cardiovascular-diseases-(cvds)[accessed 7 July 2020]. Return to content
- (6) Falk E. Pathogenesis of atherosclerosis. J Am Coll Cardiol. 2006;47(8 Suppl):C7‐C12. doi:10.1016/j.jacc.2005.09.068. Return to content
- (7) Gidding SS, Allen NB. Cholesterol and Atherosclerotic Cardiovascular Disease: A Lifelong Problem. J Am Heart Assoc. 2019;8(11):e012924. doi:10.1161/JAHA.119.012924. Return to content
- (8) Talayero BG, Sacks FM. The role of triglycerides in atherosclerosis. Curr Cardiol Rep. 2011;13(6):544-552. doi:10.1007/s11886-011-0220-3. Return to content
- (9) Piepoli MF, Hoes AW, Agewall S, et al. 2016 European Guidelines on cardiovascular disease prevention in clinical practice: The Sixth Joint Task Force of the European Society of Cardiology and Other Societies on Cardiovascular Disease Prevention in Clinical Practice (constituted by representatives of 10 societies and by invited experts)Developed with the special contribution of the European Association for Cardiovascular Prevention & Rehabilitation (EACPR). Eur Heart J. 2016;37(29):2315-2381. doi:10.1093/eurheartj/ehw106. page 2327–2329; 2330; 2363. Return to content
- (10) Knuuti J, Wijns W, Saraste A, et al. 2019 ESC Guidelines for the diagnosis and management of chronic coronary syndromes. Eur Heart J. 2020;41(3):407-477. doi:10.1093/eurheartj/ehz425. pages 429–430; 435; 438. Return to content
- (11) Sundström J, Hedberg J, Thuresson M, Aarskog P, Johannesen KM, Oldgren J. Low-Dose Aspirin Discontinuation and Risk of Cardiovascular Events: A Swedish Nationwide, Population-Based Cohort Study. Circulation. 2017;136(13):1183‐1192. doi:10.1161/CIRCULATIONAHA.117.028321. Return to content
- (12) Ferrari E, Benhamou M, Cerboni P, Marcel B. Coronary syndromes following aspirin withdrawal: a special risk for late stent thrombosis. J Am Coll Cardiol. 2005;45(3):456‐459. doi:10.1016/j.jacc.2004.11.041. Return to content
- (13) García Rodríguez LA, Cea Soriano L, Hill C, Johansson S. Increased risk of stroke after discontinuation of acetylsalicylic acid: a UK primary care study. Neurology. 2011;76(8):740‐746. doi:10.1212/WNL.0b013e31820d62b5. Return to content
- (14) Aspirin Protect Patient Information Leaflet as approved by AKBPM 05/2022. Return to content
- (15) Montinari MR, Minelli S, De Caterina R. The first 3500 years of aspirin history from its roots - A concise summary. Vascul Pharmacol. 2019;113:1‐8. doi:10.1016/j.vph.2018.10.008. Return to content
Artikuj të ngjashëm:
Tabletat Aspirin® Protect rekomandohen për uljen e rrezikut të vdekshmërisë tek pacientët që dyshohen për infarkt akut të miokardit ; për uljen e rrezikut të sëmundshmërisë dhe vdekshmërisë tek pacientët me infarkt miokardi të mëparshëm; për parandalimin dytësor të insultit cerebral; për uljen e rrezikut të pamjaftueshmërisë së përkohëshme të qarkullimit në tru (i quajtur ataku ishemik tranzitor) dhe insultit cerebral tek pacientët me atak ishemik tranzitor; për uljen e rrezikut të sëmundshmërisë dhe vdekshmërisë tek pacientët me angina pektoris të qëndrueshme e të paqëndrueshme (sëmundje kardiake të karakterizuara nga dhimbje spastike, kontraktuese në gjoks); për parandalimin e bllokimit të qarkullimit si pasojë e mpiksjes së gjakut (tromboembolizmit) pas disa lloj ndërhyrjesh kirurgjikale vaskulare; për uljen e rrezikut të infarktit parësor të miokardit tek personat me faktorë rreziku kardiovaskular (si diabet mellitus, hiperlipidemi , hipertension, obezitet , duhanpirje, moshë e madhe).
Bar pa recetë me përmbajtje acidi acetilsalicilik. Bayer d.o.o Zyre Perfaqësie Tiranë
Rruga Elbasanit, nr 60, Pall Gerard-A. 1, shk 1/1. Tiranë, Shqipëri
Përpara përdorimit lexoni më kujdes udhëzimet për përdorimin, dhe konsultohuni me farmacistin ose mjekun tuaj për rreziqet ose efektet e padëshiruara të mundshme.
