Makarona spageti me pesto majdanozi dhe domate

Pestoja është një nga mrekullitë më të lehta dhe më të shijshme të kuzhinës italiane. Mendohet se ajo e ka origjinën nga provinca e Ligurias, por sipas dorëshkrimeve, ajo njihej dhe përdorej që në Mesjetë në vendin e makaronave, ku e konsumonin kryesisht me makarona. Edhe pse pestoja shkon shumë me gatimet me bazë patatesh dhe mishi, spageti vazhdon të jetë shoqëruesi i parapëlqyer. Dhe po, forma e makaronave është shumë e rëndësishme: sa më të holla të jenë ato, aq më mirë e përthithin peston. Lloji më i njohur është pestoja xhenoveze, e përgatitur me borzilok, fara pishe, hudhër, vaj ulliri dhe, sigurisht, parmixhan. Mos harroni numrin pesë kur përgatisni pesto, edhe pse keni dorë të lirë me sasinë. Farat e pishës, të cilat janë pak të kushtueshme, mund të zëvendësohen me çfarëdolloj fare me yndyrë, si për shembull arra, bajamja, lajthia, madje edhe farat e lulediellit. Hudhrën mund ta zëvendësoni me hudhrën e egër (lerthin) apo qepën e njomë, ose mund edhe të mos e përdorni fare nëse nuk e preferoni. Borziloku i freskët mund gjithashtu të zëvendësohet me bimë të tjera aromatike, si për shembull majdanozi në rastin e kësaj recete. Dy nga përbërësit janë absolutë dhe të panegociueshëm: parmixhani dhe vaji i ullirit. Të dy këta përbërës janë të domosdoshëm për një pesto të mirë.

Pestoja me majdanoz do të ketë një shije pak më të butë sesa ajo me borzilok, por e kompenson këtë me përmbajtjen e karotenit, vitaminave C dhe E dhe mineraleve, ja pse rekomandohet kaq shumë gjatë muajve të dimrit. Kërcejtë e selinosë (dhe rrënjët) ndihmojne tretjen dhe pastrojnë veshkat, dhe vajrat esencialë që ato përmbajnë kanë veti antiinflamatore. Për t'i dhënë pestos një shije akoma më të mirë, përgatiteni me lajthi. Pestoja klasike bëhet në havan, por nuk ka asnjë problem nëse përdorni mikserin tuaj: masa e përftuar do të jetë më homogjene dhe kremoze.

Përbërësit:

Përgatitja:

Piqni kikirikët në një tigan pa vaj. Lani dhe prisni imët majdanozin. Vendosni kikirikët dhe majdanozin në mikser, shtoni një thelb hudhre të qëruar dhe të shtypur, parmixhanin dhe një sasi të mjaftueshme vaji ulliri për të përftuar një masë kremoze. Pestoja do të jetë gati brenda pak minutave. Ndërkohë, vini spagetit të ziejnë. Pasi të keni kulluar makaronat, shtoni menjëherë peston dhe domatet e prera në kubikë. Përziejini mirë. Një drekë apo darkë jashtëzakonisht e lehtë dhe e kënaqshme.