Sallatë me kungull vjeshtak e ëmbël dhe e kripur

Pavarësisht se si i preferoni kungujt e ëmbël: me lëng portokalli, xhenxhefil, mjaltë, kerri të bluar, spec djegës, apo të zbutur me pana; eksperimentoni, provoni gjëra të ndryshme! Kungulli i ëmbël është gjithmonë një zgjedhje e mirë. Supa me kunguj të ëmbël është në modë dhe shumë e preferuar nga të gjitha moshat, ashtu si dhe kungulli i ëmbël i pjekur. Ju mund ta hidhni atë në një tas me kapak dhe ta merrni me vete, dhe ndonëse është më e mirë e ngrohtë, mund ta konsumoni edhe të ftohtë, të bindur se ajo do t'i ruajë dobitë e shumta shëndetësore që ka.

Vitaminat C, E dhe karoteni janë ndër të parat vlera ushqyese të kësaj supe që vijnë ndërmend, por ajo përmban gjithashtu edhe hekur, fosfor, magnez, kalium dhe bakër. Falë përmbajtjes së ulët në karbohidrate dhe të lartë në fibra, edhe ata që janë në dietë mund ta hanë pa u ndjerë në faj. Mund ta bëni pure duke e kombinuar me çdo lloj mishi, por na lejoni t’ju japim një ide për një darkë të shpejtë dhe të shijshme e cila mund të përshtatet sipas nevojave dhe shijeve të familjes suaj. Përzierja e shijes së ëmbël dhe të kripur: butësia plot lëng e kungullit vjeshtak dhe shija e veçantë e djathit të bardhë janë një kombinim joshës. Për më tepër, kjo pjatë përgatitet për vetëm 30 minuta.

Përbërësit:

Prisni kungullin vjeshtak në gjysmë, hiqni farat me lugë, pastaj qërojeni dhe priteni në kubikë me përmasa 2,5 cm. Hidheni në një tas të madh, spërkateni bollshëm me vaj ulliri dhe uthull balsamike, pastaj hidhni një sasi të mirë kripe dhe piperi. Hidhni disa gjethe rozmarine të sapokëputura dhe trazojeni mirë. Gatuani në avull kungullin vjeshtak në një tigan të madh me kapak. Kur të fillojë të zbutet, spërkateni me mjaltë dhe karamelizojeni. Hiqeni nga zjarri. Prisni djathin e bardhë në kubikë të vegjël dhe përziejeni me kungullin vjeshtak të zbutur. Në fund, hidhini sipër rukola dhe fara pishe të pjekura. Shijojeni sallatën tuaj të lehtë dhe ushqyese.