Sallatë me spinaq, djathë blu dhe luleshtrydhe

Një nga parimet bazë të një diete të larmishme është se nuk duhet t’u riktheheni zakoneve të vjetra. Për shembull, duhet të jeni të gatshëm të provoni spinaqin si sallatë, pasi gjethet e tij të gjelbra, të freskëta e të mbushura plot me klorofil, acid folik dhe kalium, janë gjithçka ju duhet për bazën e sallatës. Luleshtrydhet janë jo vetëm të shijshme, por edhe jashtëzakonisht të shëndetshme. Luleshtrydhet mund te ulin rrezikun e sëmundjeve të zemrës dhe të tiroideve. Bashkoni këto dy superushqime, të gjelbrën dhe të kuqen; hidhni disa përbërës shtesë dhe do të përftoni një sallatë jashtëzakonisht të shijshme!

Përbërësit:

Përgatitja:

Lani dhe kulloni spinaqin fletëvogël. Pastroni dhe hiqjani gjethet luleshtrydheve, pastaj shpëlajini nën ujë të rrjedhshëm dhe pritini më dysh (ose më katërsh, nëse janë të mëdha). Përziejini me spinaqin fletëvogël. Në një tas të vogël përgatisni salcën: uthull balsamike me një lugë çaji mjaltë (ndonëse duhet patjetër të provoni uthullën e mjedrës!) dhe një pikë vaj ulliri. Spërkateni mbi porcionin e sallatës që shërbehet në pjata. Thërrmoni pak djathë blu mbi të dhe hidhni kikirikët e kripur, pasi t'i keni skuqur pak në tigan. Kombinimi i luleshtrydheve të prera më katërsh, spinaqit, djathit blu dhe kikirikëve të thekur krijon një harmoni të habitshme shijesh, që rezulton në një pjatë të lehtë dhe të pazakontë.