Supa e peshkatarit

Shumëkush ka frikë të përgatisë disa receta të caktuara pasi mendohet se janë të vështira dhe të ndërlikuara. Një nga këto është gatimi tradicional hungarez për darkën e krishtlindjes, supa e peshkatarit, ndonëse asgjë nuk na ndalon ta shijojmë në çdo stinë. Sipas një kërkimi të ri, duhet të konsumojmë peshk të paktën dy herë në javë, ndonëse idealja do të ishte tri herë.

Përbërësit:

• 1,3 kg krap
• 900 gr cironka
• 4 qepë
• 2 domate
• 1 spec
• 1 lugë çaji piper i kuq, 1 lugë çaji pluhur speci djegës
• kripë
• vaj vegjetal
• fileto mustaku

Përgatitja:

Pastroni peshqit duke u hequr luspat dhe organet. Hiqni sytë dhe dhëmbët e faringut të krapit, pastaj filetoni mishin. Ndajeni shtyllën kurrizore të peshkut në dy pjesë dhe filetot pritini në copa më të vogla. Skuqni qepët e prera me pak vaj dhe më pas shtoni domatet e prera në kubikë. Shtoni halat e peshkut, cironkat dhe specin e paprerë, pastaj shtoni një filxhan me ujë të ftohtë. Lërini të ziejnë për 90 minuta në temperaturë të ulët, duke u siguruar që herë pas here t’i hiqni shkumën e formuar. Shtoni filetot e krapit dhe pak piper të kuq, pastaj lërini të gatuhen edhe për 30 minuta të tjera. Pasi supa të jetë gati, kalojeni atë në një kullesë me vrima të vogla dhe shtoni pak kripë. Vëreni të ziejë me copa të freskëta mustaku fill përpara se ta shërbeni.