Quiche me spinaq

Të gjithë kanë disa frikëra në kuzhinë. Për shembull, ka disa lloje brumi që thjesht kërkojnë shumë mund për t’u përgatitur, si për shembull brumi që përgatitet me maja. Duket thuajse e pamundur, por pasi ta provoni do të kuptoni se nuk ka asgjë të madhe. Megjithatë, që kur disa kuzhinierë me famë si Gordon Ramsay apo Jamie Oliver na siguruan se nuk ka asgjë të keqe të përdorësh petën sfoliatë, madje krejt e kundërta: është një marifet gjenial që të kursen kohë, nuk na vjen aspak turp nëse herë pas here blejmë ndonjë pako. Peta sfoliatë mund të kthehet në një darkë të shijshme brenda pak minutave. Dhe nëse e përgatisni me perime, jeni një hap përpara drejt një diete të shëndetshme dhe plot fibra.

Quiche është një gatim shumë i famshëm në Francë dhe mund ta fusni në furrë për 20 minuta. Me të mund të përgatisni një gatim fantastik e super të shpejtë apo një gosti të improvizuar për darkë. Ajo mund të përgatitet në variante të ndryshme dhe të panumërta në varësi të përbërësve që keni në shtëpi. Mund të kombinoni spinaqin me djathë të bardhë ose djathë deleje, edhe pse çdo lloj perimeje shkon me këtë petë.

Përbërësit (për 4):

• 250 gr petë sfoliatë
• 1 pako spinaq
• 1/2 filxhan djathë dele
• 1 lugë gjelle vaj vegjetal
• 1 kokërr vezë
• 1/3 lugë gjelle pana kuzhine pa shumë yndyrë
• 30 gr djathë i fortë
• borzilok, rozmarinë
• kripë dhe piper sipas dëshirës
• margarinë

Përgatitja:

Thjesht nxirreni petën sfoliatë nga ngrirja dhe lëreni të shkrijë. Hapni petën me trashësi 0,3 cm, dhe shtrojeni në një enë zjarrduruese duke mbuluar anët. Piqeni pa mbushje duke i vënë peshë për pjekje (ose fasule), pastaj hiqni peshën dhe lyeni koren me një vezë të rrahur. Futeni sërish në furrë dhe piqeni edhe për 4 minuta të tjera.

Fishkeni spinaqin me një lugë gjelle me vaj, pastaj shtoni djathin e deles, vezën dhe panën. Pasi të jetë bërë, lëreni mënjanë të ftohet. Grini djathin mbi masën e përzierë, pastaj shtoni kripë, piper, si dhe borzilok apo rozmarinë për t’i dhënë shije. Hidheni masën e përzierë mbi petën e pjekur paraprakisht dhe piqeni në furrë për gati gjysmë ore në 180 gradë.