Sallatë me rukola, lakër dhe bajame

Le të kalojmë te një lloj sallate që nuk përbën aspak surprizë për ne, duke qenë se rukola ka vite që ka fituar një popullaritet të madh. Askush nuk ka nevojë të bindet për dobitë shëndetësore të lakrës, e cila ka më shumë vlera ushqyese kur shërbehet e gjallë. Lakra e kuqe është e pasur në flavonoide, ndihmon në funksionimin më të mirë të trurit dhe ruan shëndetin e zemrës suaj. Ajo është një thesar mineralesh: krahas vitaminave A, B, C dhe U, lakra përmban kalium, kalcium, fosfor, hekur, jod dhe sulfur. Ajo përforcon sistemin imunitar, kontribuon në sistemin mbrojtës të qelizave, ndihmon në detoksifikimin e mëlçisë, lehtëson inflamacionin dhe ka efekte të dobishme në metabolizëm , ndërkohë që ndihmon në koagulimin normal të gjakut. Lakra është ideale për ata që janë në dietë, sepse largon ndjesinë e urisë. Duke kombinuar lakrën krokante ngjyrë mavi me gjethet jeshile të rukolës, dhe duke i shtuar sallatës mollë dhe bajame për t'i dhënë gjallëri, përftojmë një vakt apo pjatë anësore të shëndetshme.

Përbërësit:

Përgatitja:

Lani dhe prisni më katërsh lakrën, më pas grijeni hollë në rende. Shtoni kripë dhe piper sipas dëshirës. Lani dhe kulloni rukolën, pastaj skuqni pak bajamet në një tigan pa vaj. Qëroni dhe prisni mollët në kubikë të vegjël, më pas spërkatni mbi to lëngun e limonit që të mos mavijosen. E vetmja gjë që ngelet për t'u bërë është të bashkohen përbërësit për sallatën: hiqni lëngun e tepërt që ka mbetur në lakrën e kriposur duke e shtrydhur dhe bashkojeni lakrën me rukolën. Përzieni pak vaj ulliri me uthull balsamike dhe spërkatni me të sallatën, më pas hidhni kubikët e mollës dhe bajamet. Ju bëftë mirë!