Kekë të mbushur me mollë dhe tërshërë
Të pakta janë ëmbëlsirat që janë më të mira se kekët apo ëmbëlsirat e pjekura me mollë. Por, ndonëse janë jashtë mase të shëndetshme dhe me pak kalori, duhet të përgatiten në mënyrën e duhur. Duke na ndihmuar me tretjen, dietat dhe parandalimin e kancerit, mollët janë miqtë tanë. Ato janë gjithashtu një minierë vitaminash: përpos përmbajtjes së pasur në vitamina A, B kompleks dhe C, mollët janë jashtëzakonisht të pasura edhe në minerale, duke na furnizuar me kalium, kalcium, zink, jod, fluor dhe selenium. Por këto veti mund të shumëfishohen nëse mollët i shoqërojmë me tërshërën. Tërshëra është një burim fibrash të patretshme që ju bën të ndiheni të ngopur më gjatë dhe për këtë arsye është një nga ushqimet më të preferuara në dietat me pak kalori. Ajo kontribuon në ruajtjen e një presioni të shëndetshëm të gjakut dhe përmban proteina, karbohidrate, si dhe antioksidantë. Konsumimi i rregullt i tërshërës ndihmon ne uljen e rrezikut te sëmundjeve kardiovaskulare dhe falë treguesit të ulët glicemik mund të konsumohet pa frikë edhe në dietat për diabetikët.
Por si mund ti kombinojmë këta dy përbërës për të përftuar një ëmbëlsirë me vlera të dyfishta? Është fare e thjeshtë!
Përbërësit:
- 1 filxhan kos
- 1,5 filxhanë tërshërë
- 1/3 filxhan arra të grira
- 1 lugë gjelle niseshte
- 3/4 filxhan sheqer kallami
- 1 lugë çaji ekstrakt vaniljeje
- 1 lugë çaji sodë buke
- 3 kokrra vezë të mëdha
- 1/2 filxhan vaj vegjetal
- kanellë e bluar
- pak kripë
- lëkura e 1 limoni
- 2-3 mollë të mëdha
Hidheni tërshërën në mikser derisa të jetë grirë imët dhe të jetë bërë pluhur. Në një tas të madh, përziejeni mirë me sodë buke, sheqer dhe ekstrakt vaniljeje, pak kripë dhe lëkurë limoni. Shtoni kosin me lugë në përzierje, pastaj hidhni vajin dhe shtoni vezët një e nga një: tashmë duhet të keni përftuar një brumë të trashë. Qëroni mollët dhe pritini në kubikë të vegjël. Spërkatini bollshëm me kanellë dhe hidhni niseshtenë. Trazojini mirë. Në një tavë me forma vendosni nga një letër për kekë të vegjël në çdo formë dhe mbushni 3/4 e formës me brumë. Piqeni në furrën e nxehur paraprakisht për gati 40 minuta në 180 gradë.
Burimi:
Artikuj të ngjashëm:
Tabletat Aspirin® Protect rekomandohen për uljen e rrezikut të vdekshmërisë tek pacientët që dyshohen për infarkt akut të miokardit ; për uljen e rrezikut të sëmundshmërisë dhe vdekshmërisë tek pacientët me infarkt miokardi të mëparshëm; për parandalimin dytësor të insultit cerebral; për uljen e rrezikut të pamjaftueshmërisë së përkohëshme të qarkullimit në tru (i quajtur ataku ishemik tranzitor) dhe insultit cerebral tek pacientët me atak ishemik tranzitor; për uljen e rrezikut të sëmundshmërisë dhe vdekshmërisë tek pacientët me angina pektoris të qëndrueshme e të paqëndrueshme (sëmundje kardiake të karakterizuara nga dhimbje spastike, kontraktuese në gjoks); për parandalimin e bllokimit të qarkullimit si pasojë e mpiksjes së gjakut (tromboembolizmit) pas disa lloj ndërhyrjesh kirurgjikale vaskulare; për uljen e rrezikut të infarktit parësor të miokardit tek personat me faktorë rreziku kardiovaskular (si diabet mellitus, hiperlipidemi , hipertension, obezitet , duhanpirje, moshë e madhe).
Bar pa recetë me përmbajtje acidi acetilsalicilik. Bayer d.o.o Zyre Perfaqësie Tiranë
Rruga Elbasanit, nr 60, Pall Gerard-A. 1, shk 1/1. Tiranë, Shqipëri
Përpara përdorimit lexoni më kujdes udhëzimet për përdorimin, dhe konsultohuni me farmacistin ose mjekun tuaj për rreziqet ose efektet e padëshiruara të mundshme.
