Supë pure me gështenja

Gështenja e ëmbël bëhet zakonisht pure dhe përdoret si ëmbëlsirë, megjithëse me të mund të përgatisni edhe shumë gatime të tjera të shijshme. Për më tepër, gështenjat e ëmbla kanë veti antioksidante, janë të pasura në vitaminë B1, B2, B6 dhe E, si dhe, çka është e habitshme, kanë një përmbajtje vitamine C të barabartë me mjedrën dhe rrushin e serezit. Ato përmbajnë sodium, kalium, kalcium dhe fosfor, si dhe janë të pasura në fibra. Pra, padyshim që ia vlejnë të konsumohen. Të paktë janë ata që e dinë se çfarë supe e mrekullueshme mund të bëhet me të, dhe shija e saj tipike dhe e pazakontë padyshim nuk ka pse të shijohet vetëm netëve të rehatshme të dimrit.

Përbërësit:

• 2 1/4 filxhanë gështenja të ëmbla të gatuara dhe të qëruara
• 1 lugë gjelle gjalpë
• 1 kërcell presh
• 1 degë selinoje
• 1 pastinak
• 1 thelb hudhre
• 1 2/3 filxhanë lëng perimesh
• 3,5 lugë gjelle verë e bardhë e thatë

Përgatitja:

Qëroni, prisni dhe skuqni perimet në temperaturë të ulët me pak gjalpë. Shtoni gështenjat e prera imët dhe pasi t’i keni skuqur për disa minuta duke i trazuar vazhdimisht, hidhni verën. Shtoni lëngun e perimeve dhe pasi të ketë marrë valë, ulni temperaturën dhe lëreni të ziejë për gati 20 minuta derisa të jetë gati. Përzieni supën me një blender manual apo në mikser derisa të jetë formuar një masë kremoze, pastaj hidhini kripë sipas dëshirës. Ju rekomandojmë ta shërbeni me bukë të prerë në kubikë dhe të shoqëruar me gjalpë dhe trumzë, pançetë krokante dhe salcë kosi.